..ABYAN

 sa paglakat sang mga inadlaw lain-lain nga tawo imu masumalang..

lalaki..babayi..bata..tigulang..gwapa..gwapo..maputi..maitom..
gakadlaw..gakusamod..

pero sa sini nga nanarisari nga mga katauhan indi mu guid mapaktan nga isa sa ila imu mangin himpit nga ABYAN.

mga estranghero sang una nga subong isa na kadako nga parti sang kabuhi mo..

ang mga tawo nga ginalabyan mu lang..

kasakay mu gali sa jeep..

kadungan pila sa cr..

imu nabungguan...ikaw indi guid kapakot sa dalagan sang tadhana..

kanami balikan ang mga nagligad, ka ham-ot panumdumon galingaw sa imo paminsaron kung panu gintugot sang dios nga ang nanarisari nga dalan nga aton ginalaktan iya ginpasumalang..

may ara nga dugay na nga nagin parti sang imu kabuhi..

siya isa sa mga rason kung nga-a nangin masadya ang panan-aw sang kabuhi..

sa iya nga mga istorya nga daw wala na aga..

sa iya kadlaw nga ang tanan indi mapaumpaw..

mga storya nga ginahimo-himo ta nga bisan ang ingod daw mapatay man kadlaw

salamat gd NENE CHA sa pag dugang sang kolor sa amon kabuhi ikaw isa sa mga rason kung

nga-a ang pamilya permi lang ga ngisi (hehe)

sang akon balikan  kung panu ining babayi nangin akon abyan..ako naham-ot..

sang kami ga gwa sa kwarto sa pagtakop sang klasi siya nagapalapit

"theresa pwede sa inyo lang ko ma.upod panyaga?",siling ya.

kami nga duha ni cha-cha nag tulokay kag nag hangyo sang huo nga sabat.

panu kung nang indi kami? ti wala kami abyan nga si NUBE?

salamat NENE NUVY sa maalwan mu nga batasan ikaw indi nangin dalok kag handa maggbulig kag my pagulikid.

una ko siya nakita sang una nga adlaw sang klasi sang kami ara na sa ikaduha nga tuig sa kolehiyo

wala ako nag ikspektar nga siya gali kag ako isa lang ka grupo

hambal ko sadto."ai ano man tan kaja man? daw ka tigulang!"

waay nagsulod sa akon hunahuna nga ining tawo gali mangin akon abyan nga pinalangga

salamat TOTO JOEL sa mga advise, sa paging parti sang pamilya, sa mga lango-lango kag sa isa ka masaligan nga tawo nga nakilala ko.

ayhan nadumduman mo pa sang una? sang una ka bes nga imu kami ginsapak?

"diri man kamu gapila?classmates ta?"

sa una nga impresyon kami nanami-an, kami duha ni chacha nga hambal "ai nagsapak tana no?"

sa imu nga yuhom kami wala nagduha-duha nga ikaw man sapakon

tungon sa hugot mu nga pagsalig sa dios ako somehow (baw somehow!haha..) imu na impluwensyahan nga siya sa ibabaw ang makabulig kag nakabalo sang tanan

salamat NENE SISSLY sa imu maayo nga tagipusoon ako imu ginbaton bilang isa sa mga abyan mo may adko ka nga parti sa kabuhi ko.

ako sang una nahuya sa iya magsapak, gahipos lang kag daw ka seryoso..

sang siya nangin ka grupo abi sa subject nga AHSE.."ay, kanami man gali sa iya gina istorya ya ko"

kami mas nagin close sang akon nadumduman nga kami may gin-istoryahan

"napatay akon pet" dumduman ya pa ni ayhan? sa ROBLE ya ko ginstoryahan.

siya akon mas nakilala sang kami permi sa isa ka grupo na

salamat NENE DEE sa bulig mo, sa friendship nga gin treasure mo, bilang isa sa mga ginakabig ko nga bugto, sa mga na impart mo sa kabuhi ko nga indi ko gd malipatan.

mayo lang kamu nahulog sa amon section ti tani wala ko nene haney nag gina mention

abi ko guid sang una indi kami sang bayi nga ni mangin close

waay ya pa ko ni daan nasapak

sang ang mga inadlaw galipas na sila ni nuvy ga sapakay na

ambot kung anu gd ang rason kung nga-a nakaupod namon siya pero salamat kay nuvy may abyan na ko nga si haney.

salamat NENE HANEY sa paghatag sakon chance nga makilala ka, ikaw nag parealisar sa akon nga kung ang paghigugma mag yamar abaw indi kana kapaminsar..

haayyy! ang panahon dasig gd magdalagan daw sang una indi ko ni gani sila kilala pero subong sa malapit nalang ang isa ka isa may mga iban nga padulongan na.

salamat sa chansa nga kamu tanan akon nakilala

inyo guid tandaan nga bisan anu pa magkalatabo inyo nga mga ngalan ara na sa tagipusoon ko

bisan diin pa kamo asta

kitaay taman gihapon ha?

PALANGGA KO KAMU TANAN!:))